"Жырлайды жүрек"

Медеу ауданы №166 бөбекжай-балабақшасында «Хантәңірінен ұшып шыққан мұзбалақ» деп халқы баға берген қазақтың ақиық ақыны М.Мақатаевтың туған күніне орай ұйымдастырылып отырған «Жырлайды жүрек» атты әдеби-кеш өтті. Әдеби кешке жазушы, ақын, Мұқағалитанушы: Айтақын Әбдіқалұлы, Қалалық «Ұстаз» кәсіподақ ұйымының төрағасы: Қожақмет Тайболатұлы, Медеу ауданы «Ұстаз» кәсіподақтан Ғаділсағит Қабдолұлы, Бөрібай Сламжанұлы, ақын, баспа директоры Кәдірбек Құныпияұлы, №172 мектеп-гимназиясының директоры: Талдыбаев Талғат Қазыбайұлы, ауған соғысының ардагері Нүптекеев Рахымхан қатысты. Балалар, қызметкерлер, ақын жазушылар сүйіп оқитын өлеңдерін оқып, әндерін шырқап, естеліктер айтылды. Тұяқова Салтанат, Қозыбағарова Құралай, Джексембинова Әлия, Аяпбекова Маржан, Ізбасар Қалима Құрманәліқызы, орындауындағы «Менің анкетам», «Қайран Қарасазым-ай!», «Өмір-ай!», «Бесік басында», «Ғашықпын» атты өлеңдері көлеңкелі қойылым арқылы көрсетіліп, көрермендерге ерекше әсер қалдырды.Әдеби кеште балабақша қызметкерлері Байбосынов Абзал, Сабырханқызы Айгерим , Түменбаева Дина, Әсіл Гүлнұрдің орындауындағы «Аққулар ұйықтағанда» поэмасының желісі бойынша жасаған қойылымның ерекшелігі- олар рольдерді театр сахнасындағыдай сомдау арқылы көрермендердің жүрегінде ерекше сезім ұялатты. Кеш соңында М.Мақатаевтың өлеңдеріне жазылған көптеген сазгерлердің сырлы да сазды әуендері Әлібай Қарлығаш, Ашимбаева Жанар, Касымова Роза Өкенқызының орындауындағы «Бақыт деген», «Аңса жаным», «Фариза», «Саржайлау», «Отыздан асып барамын» әндерімен аяқталды.. Өскелең ұрпақтың бойына патриоттық сезімді дарыту жастардың поэзияға деген қызығушылығын арттыру, ұжымның арасында ынтымақты дамыту барысында ұйымдастырылған мәдени шараның өткізілуіне себепші болған балабақшаның меңгерушісі Ималова Роза Майданқызына алғысымызды білдіреміз. Келген қонақтар осындай мәдени кештерді жиі ұйымдастыруға өтініш айтып, ризашылықтарын білдірді.
Ұйымдастырушылар: №166 б/б меңгерушісі: Ималова Роза Майданқызы, Шаруашылық меңгерушісі: Ізбасар Қалима Құрманәліқызы, Ән жетекшілер: Әлібай Қарлығаш , Даулетбаева Құралай, Әсіл Гүлнұр, психолог: Сабырханқызы Әйгерім, Дене жаттықтырушы: Байбосынов Абзал Алтайұлы.
Мақала авторы: №166 б/б Кәсіподақ төрайымы Абжанова Жанар Растумқызы