"Сүйікті балабақшама 10 жыл"

 10 жылдың ішінде  балабақшамызда көптеген іс-шаралар мен кездесулер өтті. Атап айтсақ, Қазақстан   Республикасының  Парламент Мәжіліс депутаттары  Есимбаева Гүлмира Естайбековна  мен   Балиева Зағипа Яхяновнаның қатысуларымен елбасының жолдаулары талқыланып, балабақшаның тыныс-тіршілігін бақылап, бүлдіршіндермен тілдесіп, балабақша  қызметкерлерімен   сұхбат жүргізілді.  Өскелең ұрпақты , балабақшамыздың тәрбиеленушілерін  өнер-білімге баулып, шығармашылығын дамыту  мақсатында  ақын Дулат Исабеков пен ақын Айтақын Әбдіқал, Қазақстанның еңбек ері , ұлағатты ұстаз Миразова Аягүл Төреқызы, әнші , композитор Гүлнар Даукеновна мен   «Жігіттер» тобының әншілері Бағлан Абдырайымов пен Ердос Қанаевпен , пародист  Сыдықбек Олжас Дәуренұлымен, балалар композиторы  Маханбетова Алтын  Шахзадақызымен түрлі әдеби-музыкалық кештер ұйымдастырылды.

Жылдық міндеттемені орындау барысында   қала, аудан көлемінде   ұйымдастырылған ашық оқу қызметтері, семинарлар  жоспарлы өткізіліп ,  түрлі байқауларға қатысып , жүлделі орындарды иеленіп марапатталып отырады.

Бала тәрбиесімен қатар педагог қызметкерлер өз білімін жетілдіріп, біліктілік санаттарын  көтеріп , шығармашылықпен, ізденімпаздықпен, мейіріммен    адал еңбек ету- біздің қызметкерлердің басты ұстанымы.